>

Më të fundit

Covid 19: Ndërron jetë 73 vjeçari nga Elbasani.

  • Më të fundit
  • 147 persona të tjerë janë infektuar me Covid-19 gjatë 24 orëve të fundit në vendin tonë. Të dhënat janë bërë publike nga Ministria e Shëndetësisë, ku thuhet se gjatë 24 orëve të fundit kanë humbur jetën si pasojë e Covid-19, dy qytetarë të cilët prej kohësh vuanin nga simptomat e virusit.

    Shpërndarja gjeografike e rasteve pozitive ditore është si vijon:  67 raste në Tiranë, 12 raste në Lezhë, 11 raste në Berat, 10 raste në Shkodër, 9 raste në Fier, 7 raste në Krujë dhe Korçë, 5 raste në Kamëz, nga 4 raste në Kavajë dhe Vlorë, 2 raste në Kurbin, Elbasan, Lushnje, Gjirokastër, 1 rast në Durrës, Vau i Dejës, Selenicë.

    Me gjithë përpjekjet e mjekëve dhe infermierëve në dy spitalet COVID, betejën me këtë virus të rrezikshëm nuk e kanë fituar dy qytetarë, një 59 vjeçar nga Tirana dhe një 73 vjeçar nga Elbasani. I shprehim ngushëllimet familjarëve.

    Njoftimi i MSH:

    Ministria e Shëndetësisë dhe Mbrojtjes Sociale ju informon rreth situatës së COVID-19 në Shqipëri, duke ju kujtuar që në fillim të këtij komunikimi të mos e ulni vigjilencën për asnjë moment përsa i takon respektimit të rregullave:

    Ruani distancën me të tjerët;

    Maska duhet të mbahet patjetër në ambientet e mbyllura dhe kudo ku distance nuk ruhet dot;

    Higjiena e duarve dhe ajo respiratore është e rëndësishme.

    Me rikthimin e shkollave ky moment merr një rëndësi të veçantë për kontrollin e infeksionit, prandaj Ministria e Shëndetësisë dhe Mbrojtjes Sociale ju rikujton edhe njëherë se zbatimi i rregullave duhet të bëhet pjesë e përditshmërisë sonë.

    Gjatë 24 orëve të fundit janë kryer 830 testime për të dyshuar të prekur nga COVID-19, dhe janë identifikuar 147 qytetarë të prekur nga virusi SARSCOV2, ndërsa të shëruar rezultojnë 53 qytetarë.

    Shpërndarja gjeografike e rasteve pozitive ditore është si vijon: 67 raste në Tiranë, 12 raste në Lezhë, 11 raste në Berat, 10 raste në Shkodër, 9 raste në Fier, 7 raste në Krujë dhe Korçë, 5 raste në Kamëz, nga 4 raste në Kavajë dhe Vlorë, 2 raste në Kurbin, Elbasan, Lushnje, Gjirokastër, 1 rast në Durrës, Vau i Dejës, Selenicë.

    Në spitalin Infektiv dhe “Shefqet Ndroqi” po trajtohen 199 pacientë të konfirmuar pozitivë me COVID-19, 19 në terapi intensive nga të cilët 5 pacientë janë të intubuar.

    Me gjithë përpjekjet e mjekëve dhe infermierëve në dy spitalet COVID, betejën me këtë virus të rrezikshëm nuk e kanë fituar dy qytetarë, një 59 vjeçar nga Tirana dhe një 73 vjeçar nga Elbasani. I shprehim ngushëllimet familjarëve.

    Duke ju sjellë në vëmendje të mos neglizhoni shenjat e COVID19, ju informojmë se në cdo rast kur keni dyshime, numri unik i urgjencës kombëtare 127 është në dispozicionin tuaj. Ndërsa nëpërmjet linjës së gjelbër 0800 40 40 mund të lidheni me mjekun tuaj të familjes, të merrni këshillim psikologjik si dhe informoheni saktë për pyetjet që keni për COVID19.

    COVID-19 – Statistika (8 Shtator 2020)

    Testime totale 69558

    Raste pozitive 10553

    Raste të shëruara 6239

    Raste Aktive 3993

    Humbje jete 321 (Qarku Tiranë 154, Durrës 44, Shkodër 36, Elbasan 20, Fier 16, Korçë 12, Lezhë 12, Kukës 8, Dibër 7, Vlorë 6, Gjirokastër 4, Berat 2)

    Shpërndarja gjeografike e rasteve aktive sipas qarqeve:

    Tiranë 2121

    Durrës 458

    Shkodër 321

    Lezhë 227

    Elbasan 173

    Korçë 150

    Vlorë 138

    Kukës 130

    Fier 130

    Berat 77

    Dibër 34

    Gjirokastër 34

    Burimi Top Chanel

    Elbasani Im
  • Elbasani Im 105
  • Raportoni të moshuarit në nevojë

  • Më të fundit
  •  RAPORTONI NË LINK

    Bashkia Elbasan ju vjen në ndihmë të gjithë moshuarve që jetojnë vetëm.
    Jemi në gadishmëri 24 orë çdo ditë për këdo që ka nevojë, jemi përballë një armiku tepër të rrezikshëm ndaj ju lutemi të gjithëve sa më shumë kujdes.
    Nëse jeni në dijeni që kanë nevojë për ushqime dhe medikamente mund të raportoni në link 👇

     

    Elbasani Im
  • Elbasani Im 589
  • Bashkia e Elbasanit në ndihmë të moshuarve të vetmuar

  • Më të fundit
  • Rreth 300 pako ushqimore ka shpërndarë Bashkia e Elbasan në bashkëpunim me shoqata të ndryshme për njerëzit në nevojë dhe për të moshuarit e vetmuar.
    Një mbështetje e jashtëzokonshme për bashkinë në këto ditë të vështira kanë qenë organizatat dhe shoqatat La Luce Dell'Est, A2B, Terre des Hommes, ICC, Kryqi Kuq dhe World Vision.
    Falenderime pafund për mbështetjen e vazhdueshme ndaj Bashkisë së Elbasanit dhe atyre që sot kanë nevojë më shumë se kurrë. Misioni dhe përkushtimi juaj është përkrahja më e madhe për ne.
    Të gjithë bashkë, duke ndihmuar ata që kanë më shumë nevojë, do t'ja dalim.
    Bashkia e Elbasanit do të vijë edhe në shtëpinë tënde, do të jemi pranë çdokujt që ka nevojë dhe sidomos pranë moshës së tretë.
    Është përgatitur një grafik i përcaktuar me të gjitha lagjet dhe fshatrat, me familjet në nevojë dhe të moshuarit pa mbështetje. Kini durim dhe besim, do të jemi pranë çdo familje.

    Detyra juaj më e rëndësishme sot është të mos dilni nga shtëpia.

    Për të kërkuar ndihmë plotësoni formularin e mëposhtëm:

     

    Elbasani Im
  • Elbasani Im 611
  • Vijojnë investimet drejt objektivit ujë 24 ore

  • Më të fundit
  • Fillimi i vitit në Elbasan ka nisur me intensitet të lartë sa i përket punëve për përmirësimin e cilësisë së shërbimeve ndaj qytetarëve. Aktualisht Bashkia Elbasan është duke ndërhyrë në lagjen "Çlirimi" në rrugën "Faik Nezi" në Lagjen "Vullnetari dhe "Veli Stafa".

    Kreu i Bashkisë Z.Llatja bashkë me Drejtorin e Përgjithshëm të AKUM, Alqi Bllako, inspektuan punimet duke kërkuar cilësi të tyre dhe padyshim rritje të performancës së drejtorisë së Ujësjellës Kanalizime Elbasan, ndërsa janë njohur nga afër me ecurinë e këtyre punimeve.

    Ky projekt do t'u vijë në ndihmë 1200 banorëve të Elbasanit, ku më konkretisht bëhet fjalë për zëvëndësimin e tubacioneve të çelikut që nuk janë bërë që prej viteve '90, vendosja e matësave dhe tubacionin në standardet e duhura.

    Në fjalën e tij Z.Llatja u shpreh se ndërhyrja në këto lagje ishte një domosdoshmëri, jo vetëm për t'u dhënë shërbim më cilësor banorëve, por edhe për të mos pasur humbje në rrjet, ç'ka shkaktonte probleme të njëpasnjëshme.

    Alqi Bllako, Drejtori i Përgjithshëm, AKUM u shpreh se në Bashkinë Elbasan do të implementohen 4 projekte të mëdha nga AKUM, mënyrë kjo, jo vetëm për të rritur cilësinë e ujit të pijshëm, por edhe për të përmirësuar performancën e UKE-së.

    Duke e cilësuar investimin e ujësjellësit si mjaft ambicioz, i cili do të ulë ndjeshëm humbjet e ujit në rrjet, Llatja shtoi se "shpresojmë që me mbështetjen e qeverisë, Akum, përfaqësuesve të KFW, BE, SECO do të vazhdojnë investimet në rrjetin e kanalizimeve edhe në fshatra".

     

    Burimi : Bashkia Elbasan

    Elbasani Im
  • Elbasani Im 765
  • Rama kontroll në Tiranë-Elbasan: Në mars hapet një nga korsitë

  • Më të fundit
  • Kryeministri Edi Rama ka inspektuar nga afër punimet në autostradën Tiranë-Elbasan, ndërsa nuk kurseu sulmet për qeverinë e kaluar. Gjatë një bashkëbisedimi me inxhinierin e projektit, kreu i qeverisë tha se për këtë projekt janë hedhur shumë lekë, duke shtuar se njëra nga korsitë hapet në mars.

    “Fillimin pa projekt, pa studim gjeologjik, pa asnjë lloj sigurie dhe ‘hajde hapim tunelin’. Kështu e paguam shtrenjte. Ky projekt ka shkuar shumë, dyfish nga marrëzia dhe babëzia e paimagjinueshme. Tani s’ka më arsye që të bllokohet procesi. Në mars është mirë që të hapet njëra anë e korsitë”, tha Rama.

     

    Elbasani Im
  • Elbasani Im 1197
  • Prefekti i ri i Elbasanit kritika kompanive që mirëmbajnë rrugët

  • Më të fundit
  • Gledian Llatja drejtoi mbledhjen e parë me emergjencat civile, si prefekt i Qarkut të Elbasanit, detyrë të cilën e mori vetëm një ditë më parë.

    Ndërsa bëri një përmbledhje të situatës në qark për shkak të motit të keq, Llatja u tregua i prerë dhe i qartë me kompanitë koncesionare për mirëmbajtjen e rrugëve të cilat i kritikoi për shkak së nuk ju përgjigjën në kohë emergjencës dhe furnizimi me kripë nuk ishte i mjaftueshëm.

    Kryetari i Bashkisë së Elbasanit në fjalën e tij ngriti shqetësimin e tij për investimet emergjente që nevojiten për shtratin e përroit të Zaranikës dhe atij të Manazderes duke kërkuar mbështetjen e prefektit për ta përcjellë këtë shqetësim.

    Në Bashkinë e Gramshit, rruga e Kodovjatit nuk ka kompani mirëmbajtëse dhe ky shqetësim është përcjellë nga nënkryetari i Bashkisë i cili shtoi gjithashtu edhe problematikat e aksit nacional Cerrik-Gramsh. Bien në sy zgjidhja e problematikave përsa i përket furnizimit me energji elektrike. Drejtori i OSHEE tha se në të gjithë qarkun asnjë abonent nuk ka mungesë energjie.

    Fatmirësisht gjatë ditëve me mot të keq nuk ka pasur emergjenca shëndetësore ndërsa mësimi në shkolla është ndërprerë në ato zona ku pati probleme. Edhe pse në shumicën e territorit është kthyer normaliteti, ende ka fshatra të thellë në Bashkinë e Librazhdit të bllokuar ku trashësia e dëborës ka kaluar 1 metër.

    Elbasani Im
  • Elbasani Im 1085