>

Të reja nga Qarku

Verifikimi i kandidatëve/ Konkursi 'Infermierë për Shqipërinë', datat e testimit me shkrim

  • Të reja nga Qarku
  • Ministria e Shëndetësisë dhe Mbrojtjes Sociale ka publikuar këtë të premte listat mbi rezultatet e verifikimit të kandidatëve që kanë aplikuar dhe janë kualifikuar në fazën tjetër, për të marrë pjesë në testimin që do të zhvillohet për profesione të shkencave të mjekësisë, sipas profileve dhe rretheve.

    Janë shpallur vendi i konkurrimit për të gjithë kandidatët për infermierë dhe staf në fushën e mjekësisë. Sipas njoftimit mësohet se nga verifikimi i bërë paraprak kandidatët e kualifikuar, do të zhvillojnë testimin në Godinën e Lëndeve Paraklinike (pas spitalit infektiv) Qendra Spitalore Universitare “Nënë Tereza” Tiranë, për të gjithë kandidatët, për të gjitha qarqet.

    Ndërkohë, datat dhe orari sipas qarqeve dhe profileve do të jenë si më poshtë:

    Qarku Shkodër, Qarku Kukës, Qarku Lezhë, Qarku Tiranë, Qarku Durrës dhe Qarku Dibër profili Infermieri datë 9 shkurt 2019, ora 12.00.

    Qarku Elbasan, Qarku Korçë, Qarku Berat, Qarku Fier, Qarku Vlorë dhe Qarku Gjirokastër profili Infermieri datë 10 shkurt 2019, ora 12.00.

    Qarku Shkodër, Qarku Kukës, Qarku Lezhë, Qarku Tiranë, Qarku Durrës dhe Qarku Dibër profilet Mami, Teknik laboratori, Teknik imazherie, Fizioterapist datë 16 shkurt, ora 12.00.

    Qarku Elbasan, Qarku Korçë, Qarku Berat, Qarku Fier, Qarku Vlorë dhe Qarku Gjirokastër profilet Mami, Teknik laboratori, Teknik imazherie, Fizioterapist datë 17 shkurt, ora 12.00.

    Elbasani Im
  • Elbasani Im 75
  • Peqin/ Konflikt në familje, i ati plagos me thikë të birin, në pranga 64-vjeçari

  • Të reja nga Qarku
  • Një person është arrestuar në flagrancë në fshatin Vashaj, pasi plagosi me thikë djalin e tij.

    Report Tv mëson se bëhet fjalë për Y.S, 64 vjec.

    Sipas policisë, 64-vjecari e ka sulmuar mbrëmjen e djeshme të birin në banesë gjatë një sherri që është zhvilluar për motive të dobëta. Sa i takon të plagosurit, mësohet se ndodhet jashtë rrezikut për jetën.

    Materialet u referuan në Prokurorinë pranë Gjykatës së Shkallës Parë Elbasan, për veprën penale "Dhuna në familje".

    Elbasani Im
  • Elbasani Im 106
  • Hiderocentrali i Holtës, Balla: Vendim për pezullimin e ndërtimit.

  • Të reja nga Qarku
  • Në një prononcim për mediat kreu i Grupit Parlamentar të PS-së, Taulant Balla ka komentuar edhe ndërtimet e HEC-it në kanionet e Holtës. I pyetur në lidhje me ndërtimet, Balla u shpreh i bindur se kryeministri Edi Rama dhe ministrja e re e Infrastukturës dhe Energjisë, Belinda Balluku do të marrin të gjitha vendimet për bllokimin e ndërtimeve.

    “Së bashku me 6 deputetët e tjerë të PS-së në Elbasan kemi marrë detyrat parlamentare për të kaluar shqetësimet në këtë komunitet nga të gjithë banorët e Bashkisë së Gramshit.

    Kërkesa jonë do të merret në shqyrtim dhe të jeni të sigurtë që kryeministri Rama dhe ministrja Balluku do të marrin të gjitha vendimet për të pezulluar dhe më pas bllokuar çdo lloj ndërtimit që prish, dëmton një aset natyror dhe një atraksion të rëndësishëm turistik për një bashki si e Gramshit, që ka dy bukuri natyrore si Holta dhe Ujëvara e Sotirës”, deklaroi Balla.

    Elbasani Im
  • Elbasani Im 128
  • Elbasani, ndër qytetet me naftën më të keqe

  • Të reja nga Qarku
  • Një raport i Kontrollit të Lartë të Shtetit ka zbardhur zonat ku janë hasur më dendur mostrat e karburantit jashtë standardeve në gjithë territorin e vendit. Analiza e KLSH, e kryer vitin e shkuar, bazohet te kontrollet e ushtruara nga Inspektorati Shtetëror Teknik dhe Industrial në subjektet tregtuese me pakicë të karburanteve. ISHTI ka kryer një numër të konsiderueshëm inspektimesh, të cilat janë rritur nga viti në vit: 6641 inspektime për 2015, në vitin 2016 janë kryer 7561 inspektime duke arritur numrin më të lartë 10,887 në vitin 2017.

    Zonat më problematike, të cilat kanë numrin më të lartë të mostrave me tregues jashtë standardit janë Tiranë-Durrës-Elbasan dhe Fier-Vlorë-Berat. Përgjatë kësaj periudhe sipas KLSH, janë vendosur penalitete sipas viteve 2015, 2016 dhe 2017 përkatësisht: 271, 257 dhe 76 gjoba, të cilat ndjekin trendin e uljes së subjekteve me tregues të mostrave jashtë standardeve të cilësisë, ku arkëtimi i tyre vjen në rritje, megjithëse ngelet problematik arkëtimi vullnetar i vlerës së gjobave.

    Ndërkohë që në analizën e vet Kontrolli i Lartë i Shtetit konkludon se numri dhe cilësia e inspektimeve është e mangët, pasi vetë Inspektorati Shtetëror Teknik dhe Industrial  ka mungesa në infrastrukturën e nevojshme (makina, karburant, pajisje kompjuterike dhe internet), si dhe të zyrave rajonale, për kryerjen e inspektimeve zike dhe atyre on-line.

    Elbasani Im
  • Elbasani Im 434
  • Ngjarje rëndë në Elbasan/Pllakat e mermerit zënë poshtë një punëtor

  • Të reja nga Qarku
  • Një punëtor i një firme që merrej me shitje dhe prodhim mermeri ka humbur jetën gjatë një aksidenti në punë në Elbasan. Viktima është një 42-vjecar nga fshati Vidhas i Elbasanit. Ai ka qenë duke punuar në momentin kur e kanë zënë poshtë disa pllaka mermeri.

    Për shkak të sasisë së madhe të mermerit është e pamundur nxjerrja e trupit dhe po pritet ndërhyrja e forcave zjarrëfikëse dhe vincit. Nuk dihet ende identiteti i tij, ndërkohë që Policia ndodhet në vendngjarje ku po punon për zbardhjen e të gjitha rrethanave të kësaj ngjarjeje. /shqiptarja/

    Elbasani Im
  • Elbasani Im 420
  • Grabitet një dyqan i Lotarisë Kombëtare në Elbasan

  • Të reja nga Qarku
  • Persona ende të paidentifikuar kanë vjedhur një dyqan i Lotarisë kombëtare në Elbasan. Ngjarja ndodhi gjatë natës.

    “BalkanWeb” mëson se autorët kanë thyer xhamat e dyqanit dhe më pas kanë hyrë brenda. Burime zyrtare nga policia bënë me dije se autorët kanë vjedhur me anë të thyerjes një shumë prej 20.000 lekësh.

    Grupi hetimor ndodhet në vendngjarje dhe po punon për zbardhjen e rrethanave të ngjarjes si dhe po punon për identifikimin dhe kapjen e autorëve.

     

    Elbasani Im
  • Elbasani Im 203